تازہ ترین

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

رانا ثنااللہ کی عمران خان سے اپیل

اسلام آباد : وفاقی وزیر داخلہ رانا ثنااللہ نے عمران خان سے اپیل کی ہے کہ اپنے سیکیورٹی معاملات پر نظرثانی کریں اور اپنے رویے میں تبدیلی لائیں

تفصیلات کے مطابق وزیر داخلہ رانا ثنا اللہ نے پریس کانفرنس کرتے ہوئے کہا کہ عمران خان سمیت سب کی صحت کیلئےدعا اورتعزیت کی ہے، ہم عمران خان کوسیاسی مخالف سمجھتے ہیں دشمن نہیں، یہ درجہ عمران خان سیاسی مخالفت کو دیتے ہی نہیں۔

رانا ثنا اللہ نے بتایا کہ پی ٹی آئی قیادت نے عمران خان سے کہا تھریٹ بہت ہیں، خان صاحب نے ان سے کہا کوئی بات نہیں اللہ مالک ہے دیکھاجائے گا، خان صاحب کا رویہ مزید حادثے کا باعث بن سکتا ہے۔

وزیر داخلہ نے کہا کہ ہمیں عمران خان کے احتجاج ،لانگ مارچ سے کوئی ڈر نہیں، لانگ مارچ روکنے یا ڈرانے جیسی کوئی بات نہیں، امید ہے خان صاحب اس معاملے کو ہوا میں نہیں اڑائیں گےبلکہ پوری توجہ دیں گے، ماحول خوشگوار ہو تو خان صاحب کی عیادت کیلئے جایا جاسکتاہے۔

ان کا کہنا تھا کہ کل کے واقعے کے بعد خان صاحب نے الزام ہی ہم پر رکھ دیا ہے اس لئے یہ بات زیر غور ہے، وزیراعظم شہباز شریف نے ابھی کوئی فیصلہ نہیں کیا مگر وہ فیصلہ کرسکتےہیں۔

رانا ثنا اللہ نے کہا کہ سنجیدگی کومحسوس کرتے ہوئے پی ٹی آئی قیادت اور خان صاحب سےاپیل کرتے ہیں ، خان صاحب سے اپیل ہے اپنے سیکیورٹی معاملات پر نظرثانی کریں اور اپنے رویے میں تبدیلی لائیں۔

انھوں نے بتایا کہ عمران خان کیساتھ جب پہلے بھی حادثہ ہوا تھا تو نوازشریف ملنے گئےتھے، واقعے کی تحقیقات پنجاب حکومت کو کرنی چاہیے ، پنجاب حکومت کو واقعےکی تحقیقات کرکے واضح مؤقف کیساتھ سامنا آنا چاہیے۔

Comments

- Advertisement -