اسلام آباد : وفاقی وزیر داخلہ رانا ثنااللہ نے سرکاری ملازمین یا کسی شخص کو اسلام آباد میں داخلے اور میڈیا پرسنز کو انٹری پوائنٹس پر نہ روکنے کی ہدایت کردی۔
تفصیلات کے مطابق وفاقی وزیر داخلہ رانا ثنااللہ نے اسلام آباد انتظامیہ اور پولیس کو ہدایات جاری کردیں ، جس میں کہا ہے کہ سرکاری ملازمین یا کسی شخص کواسلام آباد داخلےسے نہ روکا جائے اور میڈیا پرسنز کو انٹری پوائنٹس پر ہرگز نہ روکا جائے۔
وزیرداخلہ کا کہنا تھا کہ جڑواں شہروں کے اسپتالوں جانیوالےتمام راستےکھلے رکھےجائیں اور کسی مریض یا تیماردارکوسرکاری،نجی اسپتال آنے سے نہ روکا جائے۔
دوسری جانب آباد وفاقی پولیس کو دفعہ144 کی خلاف ورزی پرفوری ایکشن اور آنسوگیس کی شیلنگ کی ہدایت جاری کردی اور کہا گیا ہے کہ مظاہرین کو منتشر کرنے کیلئے شیلنگ کی جائے۔
پولیس کنٹرول کی جانب سے وائرلیس پرمیسج جاری کردیا اور پولیس اہلکاروں کو شیلنگ کے سامان کی فراہمی شروع کردی ہے۔
