اسلام آباد: وزیرداخلہ راناثنااللہ خان کا چیئرمین تحریک انصاف عمران خان کے بیان پر ردعمل آگیا۔
راناثنااللہ نے کہا کہ عمران خان آپ درست کہہ رہے ہیں ملک وقوم نازک موڑ پر کھڑے ہیں قوم کوفیصلہ کرنا ہو گا وہ اجتماعی شعورکاساتھ دیگی یاتکبرکی بنیادپرکیےگئےفیصلوں کا۔
راناثنااللہ نے کہا کہ قوم کو فیصلہ کرنا ہو گا فتنے کے آگے جھکےگی یاخیر کیلئے اٹھ کھڑی ہوگی، قوم اداروں کا احترام کرےگی یااپنی اناکی تسکین کیلئےانہیں توڑنےوالوں کاساتھ دیگی۔
وزیرداخلہ کا کہنا تھا کہ قوم فیصلہ کرے جمہوری رویوں کو اپنائے گی یا عدم برداشت کےکلچر کو اپنائے گی قوم قانون نافذ کرنے والوں کا ساتھ دیگی یاپٹرول بم چلانےوالوں کاساتھ دیگی۔
انہوں نے کہا کہ قوم عدالیہ پرحملہ کرنےوالوں کیساتھ کھڑی ہو گی یا احترام کرنےوالوں کاساتھ دیگی، انصاف کرنے والوں کا ساتھ دیگی یا انصاف کےنام پرہٹ دھرمی پرقائم رہنے والوں کا؟ قوم جمہوریت،احترام کےنظریہ کو اپنائے گی یا جلادو، ماردو جیسے پاگل پن کاساتھ دیگی۔
