کولمبو: ارجنا رانا ٹنگا نے ایشیا کپ کے حوالے سے من مانیوں پر بھارتی کرکٹ بورڈ کو آڑے ہاتھوں لے لیا۔
تفصیلات کے مطابق سری لنکا کے سابق کپتان ارجنا رانا ٹنگا نے بی سی سی آئی پر سخت تنقید کی ہے، انھوں نے کہا ایشیا کپ میں ایک ٹیم کو فائدہ دیا گیا جو تباہ کن اثرات کو جنم دے گا۔
انھوں نے کہا ’’ٹورنامنٹ کے قوانین میں ایک دم سے تبدیلی کر دی گئی جو غلط ہے، پاک بھارت میچ میں ریزرو ڈے رکھ کر بھارتی ٹیم کو فائدہ دیا گیا۔‘‘
ارجنا رانا ٹنگا کا کہنا تھا کہ جب یہ سب ہو رہا تھا تو ایشین کرکٹ کونسل اور آئی سی سی کہاں تھی، ایک بورڈ طاقت ور ہے، ایک شخص طاقت ور ہے، ایسے نہیں چلے گا۔
