ممبئی: بالی وڈ اسٹارز رنبیر کپور اور عالیہ بھٹ کی شادی کے بخار میں مبتلا مداحوں نے ان کی غائبانہ شادی بھی کروا دی ہے۔
فوٹو اینڈ ویڈیو شیئرنگ ایپلی کیشن انسٹا گرام پر دیکھا جا سکتا ہے کہ بھارت میں رنبیر کپور اور عالیہ بھٹ کے مداحوں کی جانب سے ان کی غائبانہ شادی شادی کے لیے تقریب کا اہتمام کیا گیا۔
یہ تصاویر ریاست کلکتہ کی ہیں۔ مداحوں نے دیو ہیکل گڑیا اور گڈے کو بنگالی عروسی لباس میں سجا کر اُن کے چہروں پر رنبیر اور عالیہ کے چہرے لگا دہے۔
View this post on Instagram
غائبانہ شادی میں ساری رسومات ادا کی گئی اور تقریب میں شرکت کرنے والوں کے لیے کھانے کا بھی اہتمام کیا گیا۔
View this post on Instagram
گزشتہ روز رنبیر کپور اور عالیہ بھٹ نے رشتہ ازدواج میں منسلک ہوکر کئی روز سے گردش کرنے والی خبروں کو سچ ثابت کر دیا۔
بھارتی میڈیا کی رپورٹ کے مطابق رنبیر کپور اور عالیہ بھٹ نے سات پھیرے لیے، دونوں اداکاروں نے اس پُرمسرت دن کے موقع پر گولڈن رنگ کے لباس کا انتخاب کیا۔
عالیہ بھٹ نے گولڈن رنگ کا عروسی لباس اور جیولری پہنی جب کہ رنبیر نے اسی رنگ کی شیروانی اور کُلا زیب تن کیا۔
