بالی ووڈ اداکار رنبیر کپور کا کہنا ہے کہ میں گھر پر دو عالیہ نہیں سنبھال سکتا امید ہے کہ بیٹی راہا کی شکل عالیہ بھٹ جیسی ہوگی لیکن ان کی شخصیت میری جیسی ہوگی۔
بالی ووڈ کے معروف اداکار رنبیر کپور نے اپنی فلم ’تو جھوٹی میں مکار‘ کی تشہیر کے دوران ایک انٹرویو میں کہا کہ ’چاہتا ہوں کہ راہا بڑی ہو تو عالیہ کی طرح خوبصورت ہو لیکن وہ میری شخصیت کو فالو کرے کیونکہ میں گھر پر دو عالیہ نہیں سنبھال سکتا ہوں۔‘
انہوں نے کہا کہ عالیہ کی طرح زیادہ بولنے والی دوسری لڑکی کو سنبھالنا میرے لیے مشکل ہوگا کیونکہ عالیہ بہت زیادہ بولتی ہیں امید ہے کہ راہا میری طرح کم گو ہوگی پھر ہم دونوں مل کر عالیہ کو سنبھالیں گے۔
ایک سوال کے جواب میں رنبیر کپور نے کہا کہ عالیہ اس وقت کیریئر کے عروج پر ہیں راہا کی پیدائش کے بعد بھی وہ اداکاری کے لیے پرجوش ہیں اور اسے جاری رکھیں گی۔
رنبیر کپور نے کہا کہ ’بیٹی کی پیدائش کے بعد کے لمحے کو میں لفظوں میں بیان نہیں کرسکتا یہ وہ محبت ہے جس کے بارے میں مجھے علم نہیں تھا کبھی سوچا بھی نہ تھا کہ کسی دوسرے فرد کے بارے میں اس طرح محسوس کرسکتا ہوں۔
اداکار نے کہا کہ ’بیٹی کی پیدائش کے بعد ایسا لگا جیسے مجھے سب کچھ مل گیا ہے۔‘
واضح رہے کہ رنبیر کپور اور شردھا کپور کی فلم ’تو جھوٹی میں مکار‘ گزشتہ روز ریلیز کی گئی، فلم نے پہلے دن باکس آفس پر 13 کروڑ کا بزنس کیا۔
