رنبیر کپور کی فلم ”اینیمل“ نے ریلیز ہونے کے چھٹے روز تک ہندوستان میں 313 کروڑ روپے کما لئے، جبکہ فلم دنیا بھر کے باکس آفس پر 500 کروڑ سے زیادہ کما چکی ہے۔
بھارتی میڈیا کی رپورٹ کے مطابق فلم نے بدھ کے روز مزید 30 کروڑ روپے کمائے، جس کے بعد ہندوستان میں ہونے والی فلم کی مجموعی آمدنی 312.96 کروڑ تک پہنچ گئی۔
رپورٹ میں بتایا گیا ہے کہ بدھ کے روز ”اینیمل“ 34.88 فیصد ہندی، 25.67 فیصد تیلگو اور 18.95 فیصد تامل قبضے میں رہی، ہندوستان میں 63.8 کروڑ کی بڑے پیمانے پر اوپننگ کے بعد، ”اینیمل“ نے پہلے اتوار کو ناقابل تصور 71.46 کروڑ کمائے۔
”اینیمل“جلد ہی رنبیر کپور کی اب تک کی سب سے زیادہ بزنس کرنے والی فلم بن سکتی ہے۔ امکان ہے کہ یہ فلم ”سنجو“ کو شکست دے سکتی ہے، جس میں رنبیر کپور نے سنجے دت کا کردار ادا کیا تھا۔
اس فلم کی کہانی انیل کپور کے (بلبیر سنگھ)اور رنبیر کے (رنوجے سنگھ)کے درمیان ایک پریشان حال باپ بیٹے کے رشتے کے گرد گھومتی ہے جو جرائم اور انڈر ورلڈ کے پس منظر میں قائم ہے۔
’اینیمل‘ کی شوٹنگ کے لیے 800 کروڑ کے ’پٹودی پیلس‘ کو استعمال کیا گیا!
فلم میں رنبیر کے مدمقابل رشمیکا مندانا ہیں اور بوبی دیول ولن کا کردار نبھا رہے ہیں، فلم میں شکتی کپور، ترپتی ڈمری، پرتھوی راج، سدھانت کارنک بھی ہیں۔
