بالی ووڈ کے سلطان سلمان خان نے مسٹر پرفیکشنسٹ عامر خان کی فلم میں کام کرنے سے انکار کردیا۔
بھارتی میڈیا رپورٹس کے مطابق اداکار سلمان خان کے انکار کے بعد عامر خان نے اپنی فلم چیمئنز‘ میں رنبیر کپور کو کاسٹ کرنے کا فیصلہ کیا ہے۔
عامر خان نے 2022 میں اعلان کیا تھا کہ وہ ایک ہسپانوی فلم ’چیمپئنز‘ کا ری میک بنارہے ہیں جس میں سلمان خان مرکزی کردار ادا کریں گے، سلمان خان نے اس وقت فلم میں کام کی ہامی بھر لی تھی لیکن اب انہوں نے عامر کی فلم نہ کرنے کا فیصلہ کیا ہے۔
بھارتی میڈیا کا بتانا ہے کہ فلم ’چیمپنز‘ میں مرکزی کردار کیلئے بالی وڈ کے سپر اسٹار رنبیر کپور سے رابطہ کیا گیا ہے۔
رنبیر کپور نے فلم کی کہانی سننے کے بعد اس میں کام کرنے پر رضامندی ظاہر کردی ہے اور اگر معاملات طے پا گئے تو وہ ’چیمپئنز‘ میں مرکزی کردار ادا کریں گے۔
فلم ’برفی‘ کے اداکار آج کل اپنی فلم ’انیمل‘ کی شوٹنگ میں مصروف ہیں جس کا مداحوں کو شدت سے انتظار ہیں جبکہ کرکٹر سارو گنگولی کی بائیوگرافیکل مووی میں کام کیلئے بھی ان کا نام گردش میں ہے۔
سلمان خان یش راج فلمز کی اسپائی یونیورس فلم ٹائیگر ورسز پٹھان اور سورج برجاتیا کے ساتھ ایک فلم کررہے ہیں اس کے علاوہ نتیش تیواری کی رامائن میں وہ ریتھک روشن کے ساتھ راون کے کردار رام کی اداکاری کریں گے۔
