بالی ووڈ کے چاکیلیٹی ہیرو رنبیر کپور کی اہلیہ کیسی ہوں گی، اس حوالے سے ایک عشرے قبل پروگرام میں ان کے سامنے پیشگوئی کی گئی تھی۔
عالیہ بھٹ کے شوہر رنبیر کپور نے 2011 میں سیمی گریوال کے مشہور ٹاک شو سیمی سیلیکٹس انڈیا موسٹ ڈیزائرایبل میں شرکت کی تھی، جہاں ایک نجومی نے مستقبل میں انکے لائف پارٹنر سے متعلق چند باتیں بتائی تھیں، اس پروگرام کی کلپ سوشل میڈیا پر وائرل ہورہی ہے۔
منیشا کھتوانی جو کہ ٹیروٹ کارڈ ریڈر تھیں وہ سیمی کی پروگرام میں آنے والے ہر مہمان کے مستقبل کے شریک سفر کے حوالے سے پیشگوئیاں کرتی تھیں۔
اس شو رنبیر بھی شریک ہوئے تھے جس کی ویڈیو کلپ سوشل میڈیا پر ان دنوں وائرل ہورہی ہے۔ منیشا نے رنبیر کی ازدواجی زندگی اور ان کی بیوی کے بارے میں بتایا تھا کہ وہ کس طرح کی ہوگی۔
منیشا کا بالی ووڈ ہیرو کے سامنے کہنا تھا کہ رنبیر جس سے آپ شادی کریں گے، وہ بہت جذباتی اور محبت کرنے والی شخصیت ہوگی، اس کا اپنا ایک کیریئر ہوگا اور وہ آپ کے کام کو بہت اچھی طرح سمجھے گی۔
ٹیروٹ کارڈ ریڈر کا مزید کہنا تھا کہ آپ دونوں کے درمیان گہری دوستی ہوگی کیونکہ آپ اس قسم کے شخص ہیں جسے تعلقات میں جانے سے پہلے دوستی کی ضرورت ہوتی ہے۔
اس ویڈو کلپ کے منظر عام پر دوبارہ آنے کے بعد مداح اسے رنبیر کپور کے حالیہ انٹرویو سے جوڑ رہے ہیں جس میں انھوں نے عالیہ بھٹ کی بہت سی چیزوں کی تعریف کی تھی۔
خیال رہے کہ رنبیر کپور نے 2022 میں عالیہ بھٹ سے شادی کی تھی جبکہ بالی ووڈ کی اس مشہور جوڑی کے ہاں اسی برس نومبر میں بیٹی راہا کپور کی پیدائش ہوئی تھی۔
