بالی ووڈ کے معروف اداکار رندیپ ہدا اور لین لائشرام نے شادی کی تصدیق کردی۔
بھارتی میڈیا رپورٹس کے مطابق اداکار رندیپ ہودا اور لین لائشرام 29 نومبر کو شادی کے بندھن میں بندھیں گے جس کی شادی کا کارڈ بھی انہوں نے شیئر کردیا ہے۔
رندیپ ہودا نے کارڈ شیئر کرتے ہوئے لکھا کہ ہم آپ کو ایک دلچسپ خبر دے رہے ہیں۔
رندیپ اور لین کا کہنا ہے کہ ان کی شادی اس ماہ امفال، منی پور میں ہوگی اور استقبالہ ممبئی میں ہوگا۔
رندیپ اور لین نے فوٹوز اینڈ ویڈیوز شیئرنگ ایپ انسٹاگرام پر اپنے مشترکہ اکاؤنٹ پر ایک نوٹ شیئر کیا۔ جس میں کہا گیا ہے کہ وہ اپنی فیملی اور دوستوں کی دعاؤں کے ساتھ رشتہ ازدواج میں منسلک ہو رہے ہیں۔
ان کا مزید کہنا ہے کہ ہمیں یہ بتاتے ہوئے بے انتہا خوشی ہورہی ہے کہ ہماری شادی کی تقریب 29 نومبر کو امفال منی پور میں ہوگی۔
میری کوم میں لین اور سربجیت میں رندیپ کے کو اسٹار درشن کمار نے جوڑے کو مبارک باد دی ہے جبکہ اہانا کمار نے بھی نیک خواہشات کا اظہار کیا ہے۔
