The news is by your side.

Advertisement

رینجرز نے قتل کے ملزم کو گرفتار کرلیا، ناظم آباد میں چوروں نے17 دکانیں لوٹ لیں

کراچی : رینجرز نے کورنگی میں کامیاب کارروائی کرکے قتل کی واردات میں ملوث ملزم کو گرفتار کرلیا، ناظم آباد اردو بازار میں نامعلوم افراد17سے زائد دکانوں کے تالے کاٹ کر صفایا کرگئے۔

تفصیلات کے مطابق کورنگی اللہ والا ٹاؤن میں رینجرز نے کارروائی کرکے ملزم کو گرفتار کرکے اسلحہ برآمد کرلیا، ملزم لینڈ مافیا کے سرغنہ غلام شبیر عرف ابرہیم کالا کے قتل میں ملوث ہے۔

ترجمان رینجرز کا کہنا ہے کہ گرفتار ملزم طارق عزیز کا لینڈ مافیا سرغنہ سے زمین کا تنازعہ تھا، ملزم کو قانونی کارروائی کیلئے پولیس کے حوالے کر دیا گیا۔

ترجمان رینجرز نے اپنے اعلامیہ میں کہا ہے کہ عوام ایسےعناصرکی اطلاع قریبی چیک پوسٹ یا 1101 پردیں، علاوہ ازیں رینجرز مددگار کے نئے واٹس ایپ نمبر کا اجراء کردیا گیا ہے۔

ترجمان کے مطابق آج رات 12بجے کے بعد رینجرز مددگار کے نئے واٹس ایپ نمبر کا اجراء کیا جارہا ہے، عوام رابطے کیلئے واٹس ایپ نمبر 03479001111 کااستعمال کریں۔

شہری کسی بھی جرم، واردات یا مشکوک سرگرمیوں کی اطلاع اس نمبر پر دیں اور اس قسم کی اطلاعات بذریعہ تصویر، ویڈیو اور دستاویزات واٹس ایپ نمبر پر شیئرکریں۔

دوسری جانب ناظم آباد اردو بازار میں نقب زنی کی واردات ہوئی ہے، نامعلوم افراد17سے زائد دکانوں کے تالے کاٹ کر صفایا کرگئے۔

دکانداروں کا کہنا ہے کہ ملزمان نے واردات کے دوران کچھ دکانوں میں لگے سی سی ٹی وی کیمروں کی تاریں بھی کاٹیں۔ علاقہ پولیس کے مطابق ملزمان دکان کے لاکرسے2 لاکھ روپے لوٹ کر فرار ہوئے۔

پولیس کو شبہ ہے کہ ممکنہ طور پر کوئی ملازم یا قریبی شخص چوری کی واردات میں ملوث ہوسکتا ہے۔

Comments

comments

یہ بھی پڑھیں