رینجرز اور پولیس کی مشترکہ کارروائی، بھتہ خور گروپ کے 5 کارندے گرفتار -
The news is by your side.

Advertisement

رینجرز اور پولیس کی مشترکہ کارروائی، بھتہ خور گروپ کے 5 کارندے گرفتار

کراچی: رینجرز اور پولیس نے مشترکہ کارروائی کرتے ہوئے کروڑوں روپے کی ڈکیتیوں اور بھتہ خوری میں ملوث بھتہ خور گروپ کے 5 کارندے گرفتار کرلیے۔

تفصیلات کے مطابق رینجرز اور پولیس نے مشترکہ کارروائی کرتے ہوئے بھتہ خور گروپ کے 5 کارندے گرفتار کرلیے۔ گرفتار ہونے والوں میں گروپ کا سرغنہ ریحان الدین، عابد، عامر، جبران ربانی اور سکندر شامل ہیں۔

ترجمان رینجرز کے مطابق ملزمان نے کراچی کے علاقے اورنگی ٹاؤن کے تاجر سے 5 لاکھ بھتے کا مطالبہ کیا تھا۔ ملزمان نے تاجر کے گھر پر فائرنگ بھی کی تھی۔

ترجمان کا کہنا ہے کہ ملزمان سے غیر قانونی اسلحہ، موبائلز اور سمز برآمد کرلی گئی ہیں۔ ملزمان نے دوران تحقیقات ڈکیتیوں، بھتہ خوری اور دیگر جرائم کا اعتراف کیا ہے۔

ترجمان نے مزید بتایا کہ گروپ کے سرغنہ ملزم ریحان نے سنہ 2013 میں آئی آئی چند ریگر روڈ پر واقع دفتر سے 22 کروڑ کی ڈکیتی کی۔

علاوہ ازیں ملزم ریحان نے دوسرے رکن سکندر کے ساتھ مل کر سنہ 2008 میں ٹاور میں واقع کمپنی سے 18 لاکھ کی ڈکیتی بھی کی تھی۔

Comments

comments

یہ بھی پڑھیں