ایم کیو ایم لندن اور حقیقی کے دہشت گردوں سمیت 15 خطرناک ملزمان گرفتار، رینجرز rangers
The news is by your side.

Advertisement

ایم کیو ایم لندن اور حقیقی کے دہشت گردوں سمیت 15 خطرناک ملزمان گرفتار، رینجرز

کراچی : سندھ رینجرز نے مختلف علاقوں میں کارروائیاں کرتے ہوئے 15 ملزمان کو حراست میں لے لیا ہے گرفتار ملزمان میں سیاسی جماعتوں کےعسکری ونگ، لیاری گینگ وار کے کارندے شامل ہیں.

تفصیلات کے مطابق کراچی میں جرائم کے خاتمے کے لیے سندھ رینجرز نے کراچی کے مختلف علاقوں میں کی کیے گئے آپریشن میں 15 خطرناک ملزمان کو گرفتار کرلیا ہے.

ترجمان رینجرز کا کہنا ہے کہ گرفتار ملزمان ڈکیتی، اسٹریٹ کرائمز، ٹارگٹ کلنگ اورمنشیات فروشی میں ملوث تھے اور پولیس کو مطلوب تھے جنہیں مختلف علاقوں میں چھاپہ مار کارروائیوں کے دوران قانون کی گرفت میں لے لیا گیا ہے.

ترجمان رینجرز نے مزید کہا کہ دو ملزمان کو ٹیپوسلطان اور شاہ لطیف کے علاقے سے حراست میں لیا گیا ہے جن میں سے ایک ملزم شاہد خان عرف ضدی کا تعلق ایم کیوایم لندن سے ہے.

ترجمان رینجرز نے کہا کہ ناظم آباد سے گرفتار کیے گئے ملزم محمد ناظم عرف ناظم کالا کا تعلق ایم کیوایم حقیقی سے ہے مندرجہ بالا ملزمان ٹارگٹ کلنگ، بھتہ خوری، اسلحہ ذخیرہ اندوزی میں ملوث ہیں.

علاوہ ازیں چاکیواڑہ اور کلری سے گینگ وار کے 2 ملزمان کو گرفتار کیا گیا ہے جب کہ کلاکوٹ اور بغدادی سے 3 ملزمان کو حراست میں لیا گیا ہے جو موبائل فون چھیننے اور ڈکیتی کے مقدمات میں پولیس کو مطلوب تھے.

اسی طرح کلاکوٹ، کلری اور چاکیواڑہ سے 3 اسٹریٹ کرمنل گرفتار کر لیے گئے ہیں جب کہ مدینہ کالونی اور شاہ لطیف سے 2 ڈکیت اور 3 منشیات فروش کو حراست میں لیا گیا ہے.

ترجمان سندھ رینجرز کا کہنا ہے کہ اسٹریٹ کریمنلز کی گرفتاری سے شہر قائد میں امن و امان کی حالت مزید مستحکم ہو گی اور شہریوں کو راہ زنی کے واقعات سے تحفظ حاصل ہوگا جس سے شہر کی معاشی سرگرمیوں میں اضافہ ہوگا.

Comments

comments

یہ بھی پڑھیں