The news is by your side.

Advertisement

کراچی: رینجرزنے گینگ وارکے 9 اہم ملزم گرفتار کرلئے

کراچی: شہرقائد میں رینجرز نے گینگ وار کے خلاف اہم کاروائی کرتے ہوئے 9 مطلوب ملزمان کو گرفتارکرلیا۔

تفصیلات کے مطابق آج بروزجمعہ رینجرز نے کراچی کے علاقے قائد آباد میں ٹارگٹڈ کاروائی کرتے ہوئے لیاری گینگ وار کے 9 انتہائی اہم ملزمان کو حراست میں لے لیا۔

رینجرزذرائع کے مطابق ملزمان کے قبضے سے بھاری تعداد میں اسلحہ بھی برآمد ہوا ہے۔

دوسری جانب کراچی کے علاقے مہران ٹاوٗن میں فائرنگ کے واقعے میں دو افراد جاں بحق جبکہ 4 زخمی ہوگئے ہیں۔

پولیس ذرائع کے مطابق واقعہ مہران ٹاوٗن میں واقع آستانے پرپیش آیا جہاں نامعلوم مسلح افراد نے اندھا دھند فائرنگ کردی۔

واقعے میں جاں بحق ہونے والے افراد کی میتیں اورزخمیوں کو اسپتال منتقل کردیا گیا ہے اور حملہ آوروں کی تلاش جاری ہے۔

دریں اثنا کراچی کے علاقے سخی حسن میں نامعلوم افراد کی فائرنگ سے تین افراد جاں بحق ہوگئے ہیں۔

Print Friendly, PDF & Email

Comments

comments

یہ بھی پڑھیں