سندھ حکومت نے رینجرز کے خصوصی اختیارات میں مزید توسیع کردی

کراچی: سندھ حکومت نے رینجرز کے خصوصی اختیارات میں مزید توسیع کردی ہے، رینجرز کو پولیس کے دئیے گئے اختیارات میں 90 روز کی توسیع کی گئی ہے۔

تفصیلات کے مطابق سندھ حکومت نے رینجرز کے خصوصی اختیارات میں 90 روز کی توسیع کردی، رینجرز اختیارات میں توسیع محکمہ داخلہ کی سفارش پر کی گئی جس کی منظوری وزیراعلیٰ سندھ نے دے دی۔

رینجرز اختیارات میں توسیع 6 اپریل سے 4 جولائی 2019 تک کی گئی ہے، محکمہ داخلہ سندھ نے مراسلے کے ذریعے وفاقی وزارت داخلہ کو آگاہ کردیا۔

مزید پڑھیں: کراچی: رینجرز کے اختیارات میں 90 دن کی توسیع، نوٹی فکیشن جاری

خصوصی اختیارات میں توسیع انسداد دہشت گردی کی شق 4 اور انسداد دہشت گردی ایکٹ 1997 کے تحت کی گئی ہے۔

یاد رہے کہ اس سے قبل رینجرز اختیارات میں توسیع 5 اپریل تک کی گئی تھی۔

Comments