کراچی: سندھ میں بقرعید کے تین دن کتنی کھالیں ضبط کی گئیں،رینجرز نےاعداد وشمار جاری کردیے.
کراچی سمیت سندھ بھرمیں بقرعید کے تینوں دن رینجرز اہلکارمتحرک رہے، کھالیں چھیننے یا زبردستی مانگنے پر فوری کارروائی کی گئی، رینجرز ترجمان کے مطابق سندھ میں 3دن میں 18ہزار37 کھالیں ضبط کیں، ضابطہ اخلاق کی خلاف ورزی پر 356افراد کو گرفتار کیا گیا.
- Advertisement -
ترجمان رینجرز نے بتایا کہ ضابطہ اخلاق پرعمل نہ کرنیوالوں میں ایم کیوایم، جماعت اسلامی،اہل سنت والجماعت،سنی تحریک اور کچھ سماجی تنظیمیں شامل ہیں۔
ترجمان نے بتایا کہ وفاق اور سندھ حکومت کو تمام تفصیلات ارسال کردی جائیں گی، ہیلپ لائن پر کھالیں چھیننے والوں کی شکایت کرنے والوں کے شکر گزار ہیں.
