کراچی : شہرقائد میں ڈکیتی کے دوران مزاحمت پرفائرنگ کے نتیجے میں رینجرز اہلکار شہید جبکہ پولیس اہلکار زخمی ہوگیا۔
تفصیلات کے مطابق کراچی کے علاقے لانڈھی 89 میں ڈاکوؤں کی فائرنگ سے رینجرزاہلکار شہید جبکہ پولیس اہلکار زخمی ہوگیا۔
ترجمان رینجرز کے مطابق سپائی عبدالرؤف اپنے دوست عمرواحد کے ساتھ جارہا تھا کہ فائرنگ کا واقعہ پیش آیا، رینجرز اہلکار کو اسپتال منتقل کیا جارہا تھا کہ وہ راستے میں شہید ہوگیا۔
انہوں نے بتایا کہ سپاہی عبدالرؤف لانڈھی کے رہائشی اور چھٹیوں پرتھے، ان کی میت کارروائی کے بعد آبائی علاقے بھیجی جائے گی۔
ترجمان رینجرز کے مطابق فائرنگ کرنے والے ملزمان عمران اور شبیر کوگرفتار کرکے اسلحہ برآمد کرلیا ہے۔
دوسری جانب وزیرداخلہ سندھ سہیل انورسیال نے لانڈھی میں فائرنگ سے رینجرز اہلکار کے شہید اور پولیس اہلکار کے زخمی ہونے کا نوٹس لیتے ہوئے ڈی آئی جی ایسٹ کوانکوائری کے احکامات جاری کیے۔
کراچی: لنڈی کوتل چورنگی کےقریب فائرنگ‘ پولیس اہلکارجاں بحق
یاد رہے کہ 12 جنوری کوکراچی کے علاقے نارتھ ناظم آباد میں لنڈی کوتل چورنگی کے قریب نامعلوم مسلح افراد کی فائرنگ سے پولیس اہلکارشہید ہوگیا تھا
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
