رینجرز کو بلانے کا ارادہ نہیں، اختیارات کا مسئلہ حل کیا جائے، گورنر سندھ Rangers
The news is by your side.

Advertisement

رینجرز کو بھیجنے کا ارادہ نہیں، اختیارات کا مسئلہ حل کیا جائے، گورنر سندھ

کراچی: گورنر سندھ محمد زبیر نے کہا ہے کہ عوام چاہتے ہیں رینجرز سندھ مین کام کرتی ہے، عوامی خواہشات کے مد نظر رینجرز کو سندھ سے بلانے کا کوئی ارادہ نہیں، رینجرز کے اختیارات کا معاملہ جلد حل ہونا چاہیے۔

کراچی میں میڈیا سے گفتگو کرتے ہوئے محمد زبیر نے کہا کہ رینجرز کے اختیارات کے معاملے کو طول دینا سمجھ سے بالا تر ہے، رینجرز کو خصوصی اختیارات دینے کا معاملہ جلد حل ہونا چاہیے۔

انہوں نے کہا کہ عوام چاہتے ہیں کہ رینجرز سندھ میں کام کرتی رہے کیونکہ رینجرز نے سندھ میں اچھی کارکردگی دکھائی ہے، عوامی خواہشات کو مدنظر رکھتے ہوئے رینجرز کو اُس وقت تک واپس نہیں بلایا جائے گا جب تک سندھ میں مکمل امن و امان قائم نہیں ہوجاتا۔

پڑھیں: ’’ رینجرز کے خصوصی اختیارات کی مدت ختم، توسیع کا فیصلہ نہ ہوسکا ‘‘

گورنر سندھ نے کہا کہ آئی جی سندھ اے ڈی خواجہ بہت اچھا کام کررہے ہیں مگر انہیں بھی متنازعہ بنا دیا گیا، عدالتی فیصلے کو مد نظر رکھتے ہوئے وہ اپنا کام جاری رکھیں گے، کسی کی حب الوطنی پر شک کرنا اچھی روایت نہیں اسے ختم ہونا چاہیے۔

Comments

comments

یہ بھی پڑھیں