کراچی: متحدہ قومی مومنٹ کے مرکز نائن زیرو کے اطراف میں رینجرز اہلکار کا محاصرہ کیا گیا ہے۔
ایم کیو ایم کے مرکز کے نائن زیرو سے متصل خورشید میموریل حال میں ایم کیو ایم رابطہ کمیٹی کی نیوز کانفرنس کے دوران رینجرز جناح گروانڈ اور خورشید میموریل حال کے اطراف کا محاصرہ کیا ہے، ایم کیو ایم رابطہ کمیٹی کی نیوز کانفرنس کے دوران میڈیا نمائندوں کے کیمرے بھی بند کرادیئے گئے تھے۔
رینجرز ذرائع کے مطابق اہم اطلاع پر رینجرز اہلکار نے نائن زیرو کے اطراف کا محاصرہ کیا ہے رینجرز اہلکار نے نائن زیرو کی گلیوں اور جناح گراونڈ میں سرچنگ کی تاہم کوئی گرفتاری عمل میں نہیں آئی ہے۔
واضح رہے کہ اس سے قبل بھی رینجرز نے متحدہ قومی مومنٹ کے مرکز نائن زیرو پر دوبارہ چھاپہ مار کر رابطہ کمیٹی کے انچارج کیف الوریٰ اور قمر منصور کو حراست میں لے لیا گیا تھا جبکہ ایم کیوایم رہنماء حیدر عباس رضوی کے گھر پر بھی چھاپہ مارا گیا تھا۔
