جامشورو : رینجرز نے 15 سالہ لڑکی کی نشاندہی پر مسافر بس سے دو اغوا کاروں کو حراست میں لے کر مغوی لڑکیوں کو بازیاب کر والیا۔
تفصیلات کے مطابق سپر ہائی وے ٹول پلازہ پر سندھ رینجرز نے مسافر بس کی تلاشی کے دوران 15 سالہ مسافر لڑکی کی مدد کے لیے پکار پر فوری ردعمل دیتے ہوئے اغوا کاروں سمیت دو مغوی لڑکیوں کو بازیاب کر الیا ہے جب کہ دو اغوا کاروں کو بھی حراست میں لیا گیا ہے۔
ذرائع کے مطابق سندھ رینجرز جامشورو کے سپر ہائی وے ٹول پلازہ پر معمول کے مطابق چیکنگ میں مصورف تھی کہ پشاور سے آنے والی مسافر بس میں سوار 15 سالہ لڑکی نے انکشاف کیا کہ اسے ایک اور لڑکی کے ہمراہ اغوا کر کے لے جایا جا رہا ہے جب کہ اغرا کار بھی بس میں موجود ہیں۔
جس پر رینجرز کے جوانوں نے فوری کارروائی کرتے ہوئے اغوا کاروں کو حراست میں لے کر مزید تحقیقات کے لیے رینجرز ہیڈ کوارٹرز منتقل کردیا ہے جنہیں بعد ازاں پولیس کے حوالے کردیا جائے گا جب مغوی لڑکیوں کو دارلامان بھیجوا کر والدین سے رابطہ کیا جا رہا ہے اور مکمل شناخت اور تحقیققات کے بعد والدین کے حوالے کردیا جائے گا۔
رینجرز حکام کا کہنا ہے کہ گرفتار ہونے والے دونوں افراد کا تعلق بین الصوبائی اغوا کارگروہ سے ہے جو خیبر پختونخوا سے خواتین کو اغوا کر کےکراچی و دیگر مقامات پر فروخت کرتا تھا۔
