کراچی: شہر قائد میں گرمی کی شدت ہیٹ اسٹروک کی متوقع آمد کے پیش نظر رینجرز نے شہر کے مختلف علاقوں میں ہیٹ اسٹروک کیمپ قائم کردیئے ہیں۔
ترجمان رینجرز کے مطابق رینجرز کے تمام ونگز نے مختلف علاقوں میں ہیٹ اسٹروک کیمپ قائم کردیئے ہیں ،پاکستان چوک ،سائٹ ایریا،اورنگی ٹاون ،کٹی پہاڑی،اللہ والا چوک،گلشن بہار سمیت تیس سے زائد مقامات پر کیمپ قائم کیے گئے ہیں۔
ترجمان کا کہنا ہے کہ ہیٹ اسٹروک کیمپوں پر رینجرز کے مستند ڈاکٹرز کی ٹیم اور میڈیکل عملہ موجود ہے، ہیٹ اسٹروک میں طبی امداد کیلئے کیمپ قائم کیے گئے ہیں، کوئی بھی شہری فوری طبی امداد کیلئے کیمپوں میں آسکتا ہے۔
- Advertisement -
رینجرز ترجمان کا مزید کہنا تھا کہ کیمپوں میں تمام ضروری دوائیں بھی فراہم کی جارہی ہیں جبکہ کیمپوں میں ایمبولینس،واٹر ٹینکس،ایئر کولر کی سہولت بھی موجود ہے۔
