کراچی: شہر قائد کے سو سے زائد مقامات پر رینجرز کی اسنیپ چیکنگ، مختلف اقسام کے ہتھیار برآمد، رینجرز حکام کاکہنا ہے لائسنس چیک کئے جارہے ہیں۔
رینجرز حکام کے مطابق کراچی کے سو سے زائد مقامات پر اسنیپ چیکنگ کی جا رہی ہے، اس دوران لوگوں سے برآمد ہونے والے اسلحے کے بارے میں پوچھا جا رہا ہے۔۔ مائی کولاچی پر اسنیپ چیکنگ کے دوران کئی گاڑیوں سے کلاشنکوف ، ٹی ٹی پستول اور مختلف اقسام کے ہتھیار برآمد ہوئے۔
رینجرز حکام کے مطابق لائسنس یافتہ ہتھیاروں کو واپس کردیا گیا ہے جبکہ جن اسلحے کے مکمل دستاویزات نہیں تھے انہیں تحویل میں لے لیا گیا ہے۔
- Advertisement -
رینجرز حکام کا کہنا ہے کہ جہاں بھی جرائم پیشہ افراد کی موجودگی کی اطلاع ہوگی رینجرز اپنی کارروائیاں جاری رکھے گی۔
