بالی ووڈ فلم انڈسٹری کی معروف اداکارہ پیکا پڈوکون کی ساس انجو بھونانی نے اپنی تین ماہ کی پوتی دعا پڈوکون سنگھ کو حیرت انگیز تحفہ دے دیا۔
بالی ووڈ کے معروف اداکار رنویر سنگھ کی والدہ اور دعا کی دادی انجو بھونانی نے پوتی کی پیدائش کے 3 ماہ مکمل ہونے پر اپنے سر کے بال عطیہ کر کے سب کی توجہ حاصل کرلی۔
بھارتی میڈیا کے مطابق رنویر سنگھ کے ایک فین پیج نے اداکار کی والدہ انجو بھوانی کی انسٹاگرام اسٹوریز کے اسکرین شاٹس شیئر کیے جس میں انہوں نے اپنی پوتی کے لیے بال عطیہ کرنے کا اعلان کیا تھا۔
View this post on Instagram
انجو بھوانی نے خوشی خوشی اپنے کٹے ہوئے بالوں کی چوٹیوں کی تصویر بھی شیئر کی ساتھ ہی انہوں نے ایک نوٹ بھی لکھا ہے، کہا کہ میری پیاری دعا کو 3 ماہ مکمل ہونے پر مبارکباد۔
انجو بھوانی نے لکھا کہ اس خاص دن پر محبت اور امید کے ساتھ جہاں ہم دعا کی بڑے ہونے کی خوبصورتی اور خوشیوں کا جشن منارہے ہیں وہیں اچھائی اور رحم دلی کی طاقت کو بھی یاد رکھے ہوئے ہیں، امید کرتی ہوں کہ یہ چھوٹا سا اقدام، مشکلات سے گزرنے والے کسی فرد کی زندگی میں سکون اور اعتماد لائے گا۔
View this post on Instagram
دادی انجو بھوانی کا اپنی پوتی کی خوشی میں دل کو چھو لینے والا یہ اقدام تیزی سے سوشل میڈیا پر وائرل ہو گیا جسے دیکھنے والے صارفین اس اقدام کو سہراتے ہوئے نظر آرہے ہیں۔
خیال رہے کہ دیپیکا اور رنویر سنگھ 14 نومبر 2018 کو رشتہ ازدواج میں منسلک ہوئے تھے اور شادی کے 6 برس بعد ان کے ہاں 8 ستمبر کو بیٹی کی پیدائش ہوئی، اداکارہ نے اپنی بیٹی کا نام دعا پڈوکون سنگھ رکھا ہے۔
اداکارہ دیپیکا پڈوکون نے بیٹی کی پیدائش کے تقریباً 2 ماہ بعد دیوالی کے موقع پر اس کی پہلی تصویر شیئر کی جس میں خوبصورت فراک اور پاجامے میں ملبوس ننھی پری کے صرف پیر نظر آرہے تھے۔
