اسلام آباد : ایئرپورٹ پر ریپڈ پی سی آر ٹیسٹ کی سہولت فراہم کردی گئی، جس کے بعد دبئی اور ابو ظہبی جانے 343مسافروں کےریپڈ ٹیسٹ کرکے منزل مقصود کیلئے روانہ کیا گیا۔
تفصیلات کے مطابق متحدہ عرب امارات جانے والے مسافروں کی مشکل آسان ہوگئی ، اسلام آباد ایئرپورٹ پر ریپڈ پی سی آر ٹیسٹ کی سہولت فراہم کردی گئی۔
ڈی جی سی اے اے کی ہدایت پر نجی لیبارٹریز کو ایئرپورٹ پر کاونٹر کی اجازت دے دی ہے ، اسلام آباد ایئرپورٹ سے 2پروازوں کےمسافروں کے ریپڈ پی سی آرٹیسٹ کئے گئے۔
ایئرپورٹ منیجر کا کہنا ہے کہ دبئی ،ابو ظہبی جانے والی پرواز کے مسافروں کے ریپڈ پی سی آرٹیسٹ کئے گئے، اس دوران 343مسافروں کےریپڈ ٹیسٹ کرکے منزل مقصود کیلئے روانہ کیا گیا۔
ایئرپورٹ منیجر نے مزید کہا کہ مسافروں کو 5گھنٹےقبل ایئرپورٹ پہنچنے کی ہدایت کی گئی ہے۔
گذشتہ روز خیبرپختونخوا کے دارالحکومت میں قائم باچا خان انٹرنیشنل ایئرپورٹ پر ‘ریپڈ پی سی آر’ ٹیسٹ کی سہولت فراہم کی گئی تھی ، اس حوالے سے ایئرپورٹ مینجر نے بتایا تھا کہ یو اے ای جانے والے مسافروں کو پرواز سے 4 گھنٹے قبل ایئرپورٹ پہنچنےکی ہدایت کی گئی تھی جس کے بعد ان کا ریپڈ پی سی آر ٹیسٹ کیا گیا۔
