اوکاڑہ: ریلوے اسٹیشن پر لڑکی سے زیادتی کا مرکزی ملزم گرفتار ہو گیا۔
تفصیلات کے مطابق تھانہ منڈی احمد آباد پولیس نے ایک کارروائی میں ٹرین میں لڑکی سے زیادتی کے ملزم حسیب کو گرفتار کر لیا۔
ملزم حسیب کو کراچی ریلوے پولیس کے حوالے کر دیا گیا ہے، جس کے خلاف ریلوے پولیس اسٹیشن ساؤتھ کراچی میں مقدمہ درج ہے۔
- Advertisement -
اس افسوس ناک واقعے میں پاکستان ریلوے کے پی آر اسٹاف حسیب نے اوکاڑہ ریلوے اسٹیشن پر ایک نوجوان لڑکی کو زیادتی کا نشانہ بنا ڈالا تھا، یہ واقعہ 10 مئی کو کو پیش آیا۔
کراچی پہنچنے پر زیادتی کی شکار لڑکی نے پولیس اسٹیشن ساؤتھ میں ریلوے ملازمین کے خلاف شکایت درج کرا دی تھی۔ ریلوے انتظامیہ نے زیادتی کیس سامنے آنے کے بعد اسٹیشن ماسٹر کو غفلت برتنے پر معطل کر دیا تھا۔
