لودھراں: صوبہ پنجاب کےعلاقے دنیا پور میں 6 سالہ ننھی بچی عاصمہ کو زیادتی کے بعد قتل کرنے والے ملزم کو پولیس نے گرفتارکرلیا۔
تفصیلات کے مطابق صوبہ پنجاب میں ضلع لودھراں کےعلاقے دنیا پور میں ننھی بچی عاصمہ کو زیادتی کے بعد قتل کرنے والے ملزم علی حیدر کو پولیس نے گرفتار کرلیا۔
پولیس حکام کے مطابق ملزم علی حیدر نے 9 سالہ عاصمہ کو زیادتی کے بعد قتل کرنے اعتراف کرلیا۔
ڈی پی او لودھراں امیر تیمور کا کہنا ہے کہ ملزم علی حیدر کا ڈی این اے کرایا جائے گا۔
دنیا پورمیں 6 سالہ بچی عاصمہ زیادتی کے بعد قتل
خیال رہے کہ گزشتہ روز لودھراں کےعلاقے دنیا پور میں ننھی بچی عاصمہ کی لاش جوہڑ سے ملی تھی۔
بعدازاں وزیراعلیٰ پنجاب نے پولیس حکام کو معصوم عاصمہ کے قاتل کو 48 گھنٹوں کے اندر گرفتار کرنے کی ہدایت کی تھی۔
شہبازشریف نے ننھی عاصمہ کے قتل کا نوٹس لیتے ہوئے آئی جی پولیس سے رپورٹ طلب کی تھی۔
زینب کےدرندہ صفت قاتل عمران کو 4 بارسزائےموت کا حکم
یاد رہے کہ 17 فروری کو انسداد دہشت گردی کی خصوصی عدالت نے زینب قتل کیس میں درندہ صفت قاتل عمران کو 4 بارسزائے موت کا حکم سنایا تھا جبکہ مجرم عمران کو ایک بارعمر قید ،7سال قید، 32 لاکھ جرمانے کی بھی سزا سنائی تھی۔
زینب قتل کیس پاکستان کی تاریخ کا سب سے مختصرٹرائل تھا، چالان جمع ہونے کے سات روز میں ٹرائل مکمل کیا گیا۔
خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
