امریکی ریاست کیلیفورنیا کے شہر لوس اینجلس میں ڈکیتی کے دوران مزاحمت کرنے پر ڈاکوؤں نے معروف ریپر پی این بی راک کو موت کے گھاٹ اتار دیا۔
میڈیا رپورٹس کے مطابق پی این بی راک کا اصل نام ’راقم ایلن‘ ہے جو آج ایک ریسٹورنٹ میں اپنی گرل فرینڈ کے ساتھ کھانا کھا رہے تھے کہ اس دوران ڈاکو گھس آئے۔
ایک ڈاکو نے ریپر کے سر پر پستول تان کر ان سے زیورات اور نقدی کا مطالبہ کیا جس پر وہ آگ بگولہ ہوگئے اور مغلظات بکیں۔
مطالبے سے انکار پر ڈاکو نے ریپر کو سر میں گولی مار کر ہلاک کر دیا اور موقع سے فرار ہونے میں کامیاب ہوگئے۔ انہیں فوری طور پر قریبی اسپتال منتقل کیا گیا تاہم وہ پہلے ہی موت کے منہ میں جا چکے تھے۔
پی این بی راک کو 1 بج کر 15 منٹ پر گولی ماری گئی تاہم اس سے کچھ دیر قبل انہوں نے گرل فرینڈ کے ہمراہ انسٹا گرام تصویر پوسٹ کی تھی۔
پولیس نے معاملے کی تحقیقات شروع کر دیں۔
