سفید رنگ کے مزیدار رس گلے سب ہی کو پسند ہوتے ہیں اور انہیں دیکھ کر منہ میں پانی بھر آتا ہے۔ آج ہم آپ کو رس گلے بنانے کی ترکیب بتارہے ہیں جسے آپ باآسانی گھر میں تیار کرسکتے ہیں۔
اجزا
دودھ: 1 کلو
لیموں کا رس: 3 کھانے کے چمچ
میدہ: 2 کھانے کے چمچ
چینی: 2 کپ
پانی: 3 کپ
ترکیب
سب سے پہلے دودھ گرم کریں، جب ابال آنے لگے تو لیموں کا رس ڈال کر ہلائیں۔
پانچ منٹ پکنے دیں یہاں تک کہ دودھ اچھی طرح پھٹ جائے۔ اسے دس منٹ تک ٹھنڈا ہونے دیں۔
اس دوران چینی اور پانی پین میں ڈال کر پکا لیں تاکہ شیرہ تیار ہو جائے۔
اب پھٹے دودھ کو ململ کے کپڑے میں ڈال کراوپر پانی ڈالیں تاکہ لیموں کا کھٹا پن نکل جائے اور پھر اچھی طرح نچوڑ لیں۔
پنیر کو پیالے میں ڈال کر اس میں میدہ مکس کر کے ہاتھ سے سات آٹھ منٹ مسلیں۔
اب چھوٹی چھوٹی بالز بنا لیں، بالز میں کوئی کریک نا ہو ورنہ رس گلے پھٹ جائیں گے۔
ان کو شیرے میں ڈال کر ڈھک کر 10 منٹ تیز آنچ پر پکائیں اور پھر پانچ منٹ ہلکی آنچ پر پکنے دیں۔
شیرے سے نکال کر ٹھنڈا کر کے پیش کریں۔
Comments
- Advertisement -