بالی ووڈ کی معروف اداکارہ روینہ ٹنڈن کی بیٹی راشا تھاڈانی نے بالی ووڈ اسٹار سلمان خان کے ہمراہ اپنی بچپن کی تصویر شیئر کی ہے۔
حال ہی میں بالی ووڈ میں ڈیبیو کرنے والے اداکار راشا تھاڈانی اور امان دیوگن کو حال ہی میں سلمان خان کے شو ’بگ باس 18‘ کے ویک اینڈ کا وار کے سیٹ پر دیکھا گیا، جہاں وہ اپنی آنے والی فلم ’آزادی ‘ کی تشہیر کر رہی تھیں۔
View this post on Instagram
تاہم اب اداکارہ راشا تھاڈانی نے فوٹو اینڈ شیئرنگ ایپ انسٹاگرام پر شو کی تصویروں کی ایک سیریز شیئر کی ہے، اس سیریز میں اداکارہ نے سلمان خان کے ساتھ پرانی تصاویر بھی شیئر کیں۔
تصاویر میں روینہ ٹنڈن کی بیٹی راشا تھاڈانی کو اداکار سلمان خان کی گود میں دیکھا جاسکتا ہے، اداکارہ نے تصاویر شیئر کرتے ہوئے کیپشن میں لکھا ’ فل سرکل موؤمنٹ‘۔
View this post on Instagram
دوسری جانب بگ باس شو کے میزبان سلمان خان کی ایک ویڈیو بھی وائرل ہورہی ہے جس میں انہیں روینہ ٹنڈن کی بیٹی راشا تھاڈانی اور امان دیوگن کو انٹروڈیوس کراتے ہوئے دیکھا جاسکتا ہے۔
سلمان خان دونوں کیلئے نیک خواہشات کا اظہار کرتے ہوئے کہا کہ آپ دونوں آنے والوں وقت میں کئی سپر ہٹ فلمیں کریں گے، اور یہ یقین کرنا مشکل ہے کہ تم لوگ ہیرو اور ہیروئن بن گئے ہو اور میں اب بھی وہی کا وہی ہوں۔
یاد رہے کہ کچھ مہینے پہلے اداکارہ روینہ ٹنڈن نے اپنے انسٹاگرام پر اسی تصویر کو شیئر کیا تھا، انہوں نے کیپشن میں لکھا تھا کہ ’ وقت کتنی تیزی سے گزرتا ہے، تصویر میں میری بیٹی راشا ہے، سلمان خان کے ساتھ تصویر میں موجود راشا کی اس وقت عمر 5 سال تھی۔
واضح رہے کہ فلم آزاد میں اجے دیوگن مرکزی کردار نبھاتے نظر آئیں گے جبکہ روینہ ٹنڈن کی بیٹی راشا تھڈانی اور اجے دیوگن کے بھانجے امان دیوگن اس فلم کے زریعے بالی ووڈ میں اپنا پہلا قدم رکھ رہے ہیں۔
View this post on Instagram
ایکشن اور تھرلر سے بھرپور فلم کا سنسنی خیز ٹریلر ریلیز کر دیا گیا ہے جس میں ڈیانا پینٹی بھی اداکاری کے جوہر دکھاتی دکھائی دے رہی ہیں۔
فلم کی کہانی برصغیر میں انگریزوں کے قبضے اور ہندوؤں کے حالات کے گرد گھومتی ہے جس میں اجے دیوگن ایک باغی ڈاکو کا کردار ادا کر رہے ہیں۔
یاد رہے کہ فلم آزاد 17 جنوری کو بھارت سمیت دنیا کے کئی سنیما گھروں میں نمائش کیلئے پیش کی جائے گی۔
