افغانستان کرکٹ ٹیم کے آل راؤنڈر راشد خان کی دلچسپ ویڈیو سوشل میڈیا پر وائرل ہوگئی۔
دنیا بھر کی کرکٹ ٹیمیں ٹی 20 ورلڈ کپ کے لیے آسٹریلیا میں موجود ہیں ایسے میں افغان آل راؤنڈر راشد خان نے مزاحیہ ویڈیو انسٹاگرام پر شیئر کی جسے مداح پسند کررہے ہیں۔
انہوں نے ویڈیو شیئر کرتے ہوئے کیپشن میں لکھا کہ ’جو گا سکتا ہے۔‘
ویڈیو میں دیکھا جاسکتا ہے کہ راشد خان کشتی میں بیٹھے ہوئے ہیں اور ان سے کہا جاتا ہے کہ ’جھوٹ بول رہے ہیں آپ کو کوئی گانا وانا نہیں آتا۔‘
یہ سنتے ہی وہ کہتے ہیں کہ ’کیسی باتیں کررہے ہیں آپ ہاں کس نے کہا کہ مجھے گانا نہیں آتا۔‘
ان سے کہا جاتا ہے کہ ’پھر گانا سنائیں۔‘ راشد کہتے ہیں کہ ’گانا آتا ہے سنانا نہیں آتا۔‘
View this post on Instagram
راشد خان کی ویڈیو کو اب تک لاکھوں صارفین دیکھ چکے ہیں، ویڈیو کو پاکستانی فاسٹ بولر حارث رؤف سمیت ویسٹ انڈین اور سری لنکن کرکٹرز نے بھی پسند کیا۔
حارث رؤف نے ان کی ویڈیو کو تعریف کرتے ہوئے لکھا کہ ’کمال ہے۔‘
