راشدخان نے احتجاجاً افغانستان کی ٹی ٹوئنٹی ٹیم کی کپتانی سے استعفیٰ دےدیا۔
افغان میڈیا کے مطابق مایہ ناز اسپنر راشد خان کو ٹی ٹوئنٹی ورلڈکپ کے لیے اعلان کردہ اسکواڈ پر تحفظات تھے اور انہوں نے ٹیم سلیکشن پر ناراضی کا اظہار کیا تھا۔
افغان میڈیا کا کہنا ہے کہ راشدخان افغانستان کے ٹی ٹوئنٹی اسکواڈسےمطمئن نہیں تھے اور اس حوالے سے انہوں نے بورڈ کو بھی آگاہ کیا تھا۔
Afghanistan National Cricket Team Squad for the World T20 Cup 2021. pic.twitter.com/exlMQ10EQx
— Afghanistan Cricket Board (@ACBofficials) September 9, 2021
راشد خان نے استعفے کی تصدیق کرتے ہوئے کہا ہے کہ بحیثیت کپتان ٹیم کی سلیکشن میں میری رائےلینی چاہیےتھی ٹی ٹوئنٹی اسکواڈکےانتخاب سےغیرمطمئن ہوں۔
راشدخان نے کہا کہ افغانستان کےلیےکھیلتارہوں گا جو ایک اعزاز ہے تاہم میگا ایونٹ میں کپتانی نہیں کروں گا۔
راشد خان کے دستبردار ہونے پر بورڈ کی جانب سے فی الحال کوئی ردعمل نہیں آیا اور نہ ہی نئے کپتان کا اعلان کیا گیا ہے۔
