قومی ٹیم کے سابق کپتان راشد لطیف نے کہا ہے کہ لاہور کے جس گراؤنڈ سے کرکٹ کے 7 کپتان نکلے وہاں سڑک بنادی گئی۔
سابق کپتان نے کراچی میں ایک سیمینار سے خطاب کرتے ہوئے کہا کہ گراس روٹ لیول پر کام کرنے کی ضرورت ہے۔ کرکٹ بورڈ اور حکومت کے کام ہیں کہ مواقع فراہم کریں۔ اسپورٹس کا کوئی انفرا اسٹرکچر نہیں، کھلاڑی خود اوپر جاتے ہیں۔
راشد لطیف نے کہا کہ گھر کے قریب گراؤنڈ ہونے سے کھیل کا شوق پیدا ہوتا ہے، پروفیشنلزم کی کمی ہے، کرکٹ گراؤنڈز کی بھی کمی ہے۔
اُنہوں نے کہا کہ لاہور کے جس گراؤنڈ سے کرکٹ کے 7 کپتان نکلے وہاں سڑک بنادی گئی، ابرار احمد کرکٹ چھوڑنا چاہتا تھا، وظیفہ لگنے کی وجہ سے کرکٹ کھیلا۔
اس سے قبل قومی ٹیم کے سابق کپتان شعیب ملک کا کہنا تھا کہ پاکستان کے لیے کھیلنے میں اب کوئی دلچسپی نہیں ہے۔
لاہور میں میڈیا سے گفتگو کرتے ہوئے سابق کپتان شعیب ملک نے کہا کہ انٹرنیشنل کرکٹ سے ریٹائر ہوچکا ہوں پاکستان کے لیے کھیلنے میں اب کوئی دلچسپی نہیں ہے۔
انہوں نے کہا کہ ٹیم میں اتحاد کی کمی ہے اس لیے جیت نہیں مل رہی ہے۔
واضح رہے کہ پی سی بی کی جانب سے شعیب ملک کو چیمپئنز کپ کے لیے اسٹالینز کی ٹیم کا مینٹو مقرر کیا گیا ہے۔
روہت شرما کو کونسی ٹیم 50 کروڑ روپے میں خریدنے جارہی ہے؟
پی سی بی نے ایونٹ کے لیے پانچ چیمپئن مینٹور کا اعلان کیا تھا جن میں مصباح الحق، ثقلین مشتاق، سرفراز احمد اور وقار یونس بھی شامل ہیں۔
