The news is by your side.

Advertisement

پاکستان کا بروس لی جو 100 ریکارڈز بنانا چاہتا ہے

کراچی: گنیز بک آف ورلڈ ریکارڈز میں درج 60 ریکارڈز توڑنے والے راشد نسیم کا کہنا ہے کہ وہ پاکستان کے لیے 100 ورلڈ ریکارڈز بنانا چاہتے ہیں۔

تفصیلات کے مطابق 60 سے زائد گنیز ورلڈ ریکارڈز توڑنے والے راشد نسیم اے آر وائی نیوز کے پروگرام ہمارے مہمان میں مہمان بنے۔

راشد نسیم مارشل آرٹسٹ ہیں اور اب تک گنیز بک آف ورلڈ ریکارڈز میں درج 60 ریکارڈز توڑ چکے ہیں۔ انہوں نے اپنے گھر کی چھت پر اکیڈمی بھی بنا رکھی ہے جہاں وہ نئی نسل کو مارشل آرٹس کی تعلیم دیتے ہیں۔

راشد نے بتایا کہ انہیں تعلیم کے ساتھ مارشل آرٹس کا شوق پیدا ہوا اور انہوں نے دونوں میں توازن قائم رکھا۔ انہوں نے کراچی یونیورسٹی سے اپنی تعلیم مکمل کی۔

ان کی 7 سالہ بیٹی فاطمہ بھی ایک ورلڈ ریکارڈ توڑ چکی ہے۔

اس بارے میں راشد کا کہنا ہے کہ انہوں نے لوگوں کو یہ شعور دینے کے لیے اپنی بیٹی کو مارشل آرٹس سکھایا کہ مارشل آرٹس بیٹیوں کو سب سے پہلے سکھانا چاہیئے تاکہ وہ جسمانی و ذہنی طور پر مضبوط ہوں اور ان میں اعتماد پیدا ہو۔

نن چکو کے ریکارڈز بنانے کے بعد راشد کو پاکستان کا بروس لی بھی کہا جانے لگا، راشد 100 ورلڈ ریکارڈز بنا کر پاکستان کا نام روشن کرنے کا عزم رکھتے ہیں۔

Comments

یہ بھی پڑھیں