The news is by your side.

Advertisement

رسوئی میں کون تھا؟ اشنا شاہ نے بتادیا

کراچی: پاکستانی اداکارہ اشنا شاہ بھی سوشل میڈیا پر وائرل ہونے والی میمز ’رسوئی میں کون تھا؟‘ پر جواب دئیے بغیر نہ رہ سکیں۔

تفصیلات کے مطابق بھارتی ڈرامے ’ساتھ نبھانا ساتھیا‘ کے ایک ڈائیلاگ رسوئی میں کون تھا؟ کے ڈائیلاگ کی ویڈیو وائرل ہوئی تھی جس پر شوبز اسٹارز اور صارفین کی جانب سے مزاحیہ تبصرے کرنے کا سلسلہ جاری ہے۔

اداکارہ اشنا شاہ نے سماجی رابطے کی ویب سائٹ انسٹاگرام پر اپنی ایک خوبصورت تصویر شیئر کی اور بتادیا کہ رسوئی میں آخر تھا کون؟

اداکارہ اشنا شاہ نے سوال کا جواب دیتے ہوئے بتا دیا کہ رسوئی میں کون تھا۔ تصویر کے کیپشن میں انہوں نے لکھا کہ یہ راشی تھی۔ ساتھ ہی انہوں نے پریشر کوکر کا ہیش ٹیگ بھی استعمال کیا۔

بھارتی ڈرامے کی ایک ویڈیو وائرل ہوئی جس کو ایک بھارتی موسیقار یشراج نے موسیقی کے رنگ سے ایسا تڑکا لگایا کہ دیکھنے والے موسیقار کے فن پر داد دیئے بغیر نہ رہے۔

ویڈیو کی مقبولیت موسیقی تو تھی لیکن اس میں کوکیلا بین کے غصے میں بولے جانے والے ڈائیلاگ تھے جس نے اس ویڈیو کو وائرل ہونے میں اہم کردار ادا کیا.

کوکیلا بین اپنی بہو سے سوال کرتی نظر آتی ہیں کہ جب وہ کپڑوں پر جوس گرنے جانے کی وجہ سے صاف کرنے کے لئے باتھ روم جاتی ہیں تو پیچھے رسوئی(باورچی خانے) میں کون تھا ؟۔

ڈرامے سے مقبول ہونے والا سوال سوشل میڈیا پر ایک ٹرینڈ کی شکل اختیار کر گیا۔ ہر کوئی مذاحیہ میمز بنا کر یہی سوال کرتا رہا کہ رسوڑے میں کون تھا ؟

Comments

یہ بھی پڑھیں