نئی دہلی: بھارت میں چوہے 14 لاکھ سے زائد کرنسی نوٹ کُتر گئے۔
سوشل میڈیا پر وائرل ہونے والی خبر کے مطابق بھارت میں ایک چوہا اے ٹی ایم مشین میں گھس گیا اور اس نے صبح بینک کھلنے تک 14 لاکھ روپے سے زائد کے کرنسی نوٹ کتر ڈالے۔
بینک کے عملے نے اے ٹی ایم مشین کھولی تو چوہے کے چبائے نوٹوں کا ڈھیر اور نوٹ کھانے والے چوہے کی لاش برآمد ہوئی۔
چوہے کی نوٹ کھانے کی خبر سوشل میڈیا پر وائرل ہوگئی اور اسے اب تک لاکھوں افراد دیکھ چکے ہیں۔
A rat broke inside an Indian ATM. The rat shredded $17,662 worth of Indian rupees and then died. pic.twitter.com/xwHyLFBgya
— Fascinating (@fasc1nate) October 14, 2022
اس سے قبل بھی بھارتی ریاست آسام میں اے ٹی ایم مشین کو ٹھیک کرنے کے لیے کھولا گیا تو ٹیکنیشنز یہ دیکھ کر حیران رہ گئے تھے کہ مشین میں موجود 12 لاکھ روپے سے زائد کے نوٹ کترے ہوئے پڑے تھے۔
پولیس کا کہنا تھا کہ شاید چوہے وائرنگ کے لیے بنے ہوئے سوراخ سے مشین میں داخل ہوئے اور وہاں موجود تمام کرنسی نوٹ کُتر ڈالے، مشین ایک ہفتے سے خراب تھی۔
اے ٹی ایم کے چینل منیجر چندن شرما کا بتانا تھا کہ خراب ہونے سے قبل اس مشین میں 29 لاکھ روپے ڈالے گئے تھے، تقریباً 17 لاکھ روپے بغیر کُترے بچ گئے ہیں جبکہ 12 لاکھ 38 ہزار مالیت کے روپے کو نقصان پہنچا ہے۔
