لاہور: سابق وزیر اعظم اور پی ٹی آئی کے چیئرمین عمران خان نے کہا کہ 40 ارب ڈالر کی لاگت سے تعمیر کیے جانے والے راوی سٹی منصوبے پر کام جاری ہے۔
سماجی رابطے کی ویب سائٹ ٹوئٹر پر اپنے جاری پیغام میں انہوں نے بتایا کہ راوی سٹی منصوبہ 15 ملین نفوس کی شہری ضروریات پوری کرے گا۔
راوی سٹی پر کام جاری ہے۔40ارب$کی سرمایہ کاری سےتعمیرہونےوالا یہ شہر15 ملین نفوس کی ضروریات پوری کرےگااور🇵🇰کاپہلاسرسبز+سمارٹ شہر ہوگا۔دریاکےکنارےتعمیر ہونےوالا یہ عمودی شہر ملکی+غیرملکی سرمایہ کاروں کیلئےبہت سےمواقع پیدا کرےگا اور دنیاکےسب سے بڑےآبی رُخ کا حامل شہر ہوگا۔ pic.twitter.com/iRqTdiVU4w
— Imran Khan (@ImranKhanPTI) September 19, 2022
انہوں نے لکھا کہ یہ پاکستان کا پہلا سرسبز اور اسمارٹ شہر ہوگا ، دریا کنارے تعمیر ہونے والا یہ شہر عمودی شکل میں ہوگا جو ملکی اور غیرملکی سرمایہ کاروں کو سرمایہ کاری کے مواقع بھی فراہم کرے گا۔
عمران خان نے مزید کہا کہ یہ شہر دنیا کا سب سے بڑے آبی رخ کا حامل شہر ہوگا، اس منصوبے میں3 بیراج بھی شامل ہوں گے جن میں270 ارب لیٹر پانی بھی ذخیرہ ہوگا۔
اس میں3بیراج ہوں گےجن سے270ارب لٹر پانی کی بچت ہوگی جسکی لاہورکےزیرِزمین ذخیرۂ آب کواشد ضرورت ہے۔گزشتہ برس شروع کیاجانےوالا 5000 ایکڑرقبےپر محیط جنگل کا ماحول دوست رکھ جھوک منصوبہ بھی اسکاحصہ ہے۔سیلاب سےبچاؤ کیلئےقدرتی مٹی سےجدید انداز میں پُشتےبھی تعمیر کئے جائیں گے۔
— Imran Khan (@ImranKhanPTI) September 19, 2022
انہوں نے بتایا کہ گزشتہ برس 5 ہزار ایکڑ رقبے پر محیط جنگل کا ماحول دوست رکھ جھوک منصوبہ بھی اسی پلان کا حصہ ہے، سیلابوں سے حفاظت کیلئے قدرتی مٹی سے جدید انداز میں پشتے بھی تعمیر کئے جائیں گے۔