The news is by your side.

Advertisement

راوی سٹی پاکستان کا سب سے منفرد اور بڑا منصوبہ ہے: وزیر اعظم

اسلام آباد: وزیر اعظم عمران خان نے کہا ہے کہ راوی سٹی پاکستان کا سب سے منفرد اور بڑا منصوبہ ہے، جس سے لاہور کے بڑھتے ہوئے مسائل کا حل فراہم ہوگا۔

تفصیلات کے مطابق آج وزیر اعظم کی زیر صدارت راوی اربن ڈیولپمنٹ اتھارٹی، اور آئی لینڈ ڈویلپمنٹ اتھارٹی پر ایک اجلاس منعقد ہوا، جس میں وزیر اعظم کو تفصیلی بریفنگ دی گئی۔

بریفنگ میں کہا گیا کہ چینی حکومت اور کمپنیوں نے سرمایہ کاری کی دل چسپی ظاہر کی ہے، 3 ارب ڈالر کی سرمایہ کاری میں کسی قسم کا قرض شامل نہیں ہوگا، اے این جی سی سی کی جانب سے بھی 5 ارب ڈالر کی سرمایہ کاری کی پیش کش کی گئی ہے۔

اجلاس میں راوی سٹی منصوبے پر پیش رفت کو مزید تیز کرنے کے لیے بورڈ کی تشکیل بھی عمل میں لائی گئی۔

ملک بھر میں سڑکیں اور قومی شاہراہوں کا جال بچھانے کی تیاری

وزیر اعظم کو بتایا گیا کہ راوی سٹی منصوبے پر جنوری سے کام شروع ہو رہا ہے، وزیر اعظم نے کہا راوی سٹی پاکستان کا سب سے منفرد اور بڑا منصوبہ ہے، جو لاہور کے بڑھتے ہوئے مسائل کاحل فراہم کرے گا۔

انھوں نے کہا لاہور کے شہریوں کو اس منصوبے سے پینے کے صاف پانی کی سہولت ملے گی، اور بڑے پیمانے پر سرمایہ کاری سے روزگار کے مواقع بھی پیدا ہوں گے، معیشت خاص طور پر صنعتوں کو ترقی ملے گی۔

اجلاس میں آئی لینڈ ڈویلپمنٹ اتھارٹی سے متعلق بھی وزیر اعظم کو بریفنگ دی گئی، بتایا گیا کہ اس پر ماسٹر پلان کی اسٹڈیز کا آغاز جنوری سے ہوگا، این جی اوز کے ساتھ شراکت میں ماہی گیروں کے لیے پروگرام ترتیب دیا جا رہا ہے۔

وزیر اعظم نے بنڈل آئی لینڈ پر ہونے والی پیش رفت پر اطمینان کا اظہار کیا اور کہا اس منصوبے کی کامیابی کے لیے اسٹیک ہولڈرز کو اعتماد میں لے کر کام کیا جائے گا۔

Comments

یہ بھی پڑھیں