سابق بھارتی کرکٹر و کوچ روی شاستری کا کہنا ہے کہ اگر کوئی ٹیم بھارت کو ہراسکتی ہے تو وہ نیوزی لینڈ ہی ہے۔
دبئی میں کل آئی سی سی چیمپئنز ٹرافی کا فائنل دبئی میں بھارت اور نیوزی لینڈ کے مابین کھیلا جائے گا میچ پاکستانی وقت کے مطابق دوپہر 2 بجے کھیلا جائے گا۔
آئی سی سی ریویو میں گفتگو کرتے ہوئے روی شاستری نے کہا کہ فائنل میں بھارت فیورٹ ضرور ہے مگر فرق بہت معمولی ہے۔
انہوں نے کہا کہ بھارتی ٹیم میں ویرات کوہلی کا کردار بہت اہم ہوگا۔
روی شاستری نے کہا کہ نیوزی لینڈ کی ٹیم میں راچن رویندرا اور کین ولیمسن ٹرمپ کارڈ ہوں گے۔
