سابق کرکٹر روی چندرن ایشون نے بھارتی ٹیم میں ’سپر اسٹار کلچر‘ کی مخالفت کی ہے۔
سابق بھارتی کرکٹر روی چندرن ایشون نے کہا کہ کرکٹرز کو پہلے کھلاڑی کے طور پر دیکھا جانا چاہیے نہ کہ اداکاروں کے طور پر رویہ رکھا جائے۔
انہوں نے کہا کہ ہمیں ہندوستانی کرکٹ ٹیم کے اندر اور اس سپر اسٹار ڈم اور سپر مشہور شخصیات کی حوصلہ افزائی نہیں کرنی چاہیے ہمیں ان تمام چیزوں کو آگے بڑھتے ہوئے معمول پر لانا چاہیے، ہم کرکٹر ہیں، اداکاریا سپر اسٹار نہیں۔
سابق کرکٹر نے کہا کہ اگر آپ روہت شرما یا ویرات کوہلی ہیں، جنہوں نے بہت کچھ حاصل کیا ہے جب آپ ایک اور سنچری بناتے ہیں تو یہ اب آپ کے بس کی بات نہیں ہے، ہمارے اہداف ان کامیابیوں سے بڑے ہونے چاہئیں۔
روی چندرن ایشون نے آئی سی سی چیمپئنز ٹرافی 2025 کے لیے بھارتی ٹیم کے اسکواڈ پر بھی خدشات ظاہر کیے۔
بھارتی اسکواڈ میں پانچ اسپنرز کلدیپ یادیو، اکشڑ پٹیل، واشنگٹن سندر، رویندرا جڈیجا اور ورون چکرورتی شامل ہیں جن کے بارے میں ایشو کا خیال ہے کہ یہ اضافی اسپنرز شامل کرنا ٹھیک نہیں۔
ایشون نے کہا کہ دبئی میں پانچ اسپنرز؟ مجھے نہیں معلوم مجھے لگتا ہے کہ ہم ایک اسپنر بہت زیادہ ہیں اگر دو نہیں تو دو بائیں ہاتھ کے اسپنر جڈیجا اور اکشڑ ہیں۔
انہوں نے کہا کہ ہاردک کو آپ بطور فاسٹ بولر کے طور پر استعمال نہیں کریں گے تو تیسرے سیمر کو لانے کے لیے آپ کو ایک اسپنر کو چھوڑنا پڑے گا۔
