The news is by your side.

Advertisement

کراچی میں پولیس کی کارروائی ’را‘ کامشتبہ ایجنٹ گرفتار

کراچی : شہر قائد میں جمشید روڈ کے علاقے میں حساس اداروں اور پولیس کی مشترکہ کارروائی کے دوران بھارتی خفیہ ایجنسی را کا ایجنٹ گرفتار کرلیا گیا،جیسے مزید تفتیش کے لئے نامعلوم مقام پر منتقل کردیا گیا۔

تفصیلات کے مطابق کراچی کے علاقے جمشید روڈ کے علاقے میں قانون نافذ کرنے والے اداروں نے پولیس کے ہمراہ کارروائی کرتے ہوئے بھارتی خفیہ ایجنسی را کا ایجنٹ گرفتار کرنے کا دعویٰ کیا ہے۔

پولیس حکام کے مطابق راشد نامی شخص کے پاس سے بھارتی پاسپورٹ، لیپ ٹاپ اور دیگر اہم دستاویزات برآمد ہوئیں ہیں، چھاپے کے وقت ملزم اپنے ساتھیوں سے رابطے میں تھا۔

حساس ادارے نے دعوی کیا ہے کہ ملزم پاکستانی پاسپورٹ پر چھ دیگر ملکوں کا سفر بھی کرچکا ہے اور گزشتہ آٹھ سال سے کراچی میں منظم طریقے سے نیٹ ورک آپریٹ کررہا تھا۔

 ماہی گیروں کے روپ میں را کے دو ایجنٹ گرفتار، اہم تصاویربرآمد

قبل ازیں شہر قائد سے قانون نافذ کرنے والے اداروں نے  بھارتی خفیہ ایجنسی کے ایجنٹس گرفتار کئے ہیں،جبکہ  فشریز کوآرپرٹیو ہائوسنگ سوسائٹی کے جنرل سیکریٹری سعید بلوچ اور دل مراد نے بھی را سے تعلقات کا اعتراف کیا ہے۔

 را کے گرفتارایجنٹ سے متعلق مزید سنسنی خیز انکشافات

 دوسری طرف بلوچستان سے بھارتی خفیہ ایجنسی کا ایجنٹ کلبھوشن یادیو گرفتار کیا گیا تھا، ملزم نے تفتیش کے دوران پاکستان میں رابطوں کے حوالے سے کئی اہم انکشافات بھی کئے ہیں۔

Comments

comments

یہ بھی پڑھیں