The news is by your side.

Advertisement

رحیم یارخان: را کا تربیت یافتہ ایجنٹ گرفتار

رحیم یار خان: حساس اداروں نے رحیم یار خان سے چرواہے کے روپ میں شیرباز عرف کمانڈر نامی را کے ایک اور ایجنٹ کو گرفتار کرلیا۔

را کے ایجنٹوں کے گرد گھیرا مزید تنگ ہوگیا ملک بھر میں را کے ایجنٹوں کی کھوج میں حساس اداروں کی کارروائیوں میں مزید تیزی آ رہی ہے، کلبھوشن کے بعد آج ایک اور را ایجنٹ حساس اداروں کے ہتھے چڑھ گیا۔

رحیم یار خان میں حساس اداروں نے کامیاب کارروائی کرتے ہوئے ہندوستانی خفیہ ایجنسی را کے ایک اور تربیت یافتہ ایجنٹ کو گرفتار کرلیا، ذرائع کے مطابق گرفتار ایجنٹ طویل عرصے سے رحیم یار خان میں رہائش پذیر تھا، جسے گرفتاری کے بعد تفتیش کے لیے نامعلوم مقام پر منتقل کر دیا گیا ہے۔

اے آروائی نیوز نے گرفتار را ایجنٹ کانام حاصل کرلیا، شیرباز عرف کمانڈر کوحساس ادارے نے چولستان تحصیل صادق آباد کےعلاقے چک ایک سو چون سے گرفتارکیا۔

را ایجنٹ شیرباز چرواہےکے روپ میں کالعدم تنظیم بی آر اے اوربھارت سے آنیوالے ایجنٹوں کاسہولت کارتھا، ذرائع کا کہنا ہے ایجنٹ کا تعلق بلوچستان سےگرفتارکلبھوشن گروپ سےہوسکتا ہے۔

Print Friendly, PDF & Email

Comments

comments

یہ بھی پڑھیں