واشنگٹن : امریکی اخبار واشنگٹن پوسٹ سکھ رہنما گرپتونت سنگھ پنوں کے قتل کے منصوبے کی تفصیلات سامنے لے آیا۔
تفصیلات کے مطابق مودی کے دورہ امریکا کے دوران امریکی شہری کے قتل کرنے کا منصوبہ بے نقاب ہوگیا۔
امریکی اخبار واشنگٹن پوسٹ راکے قتل کے منصوبےکی تفصیلات سامنےلےآیا، جس میں بتایا گیا کہ قتل کا حکم 23 جون کومودی کے دورہ امریکا کےدوران دیا گیا۔
واشنگٹن پوسٹ نے لکھا ‘ سکھ رہنما گرپتونت سنگھ پنوں کےقتل کا منصوبہ را نے بنایاتھا اور قتل کےمنصوبے کی منظوری راچیف سمنت گوئل نے دی تھی۔
امریکی اخبار نے انکشاف کمیا کرائے کے قاتلوں سے رابطہ را افسر وکرم یادیو نےکیا، وکرم یادیونےگرپتونت کا نیویارک کا پتہ کرائے کے قاتلوں کو دیا، اس حوالے سے راافسر وکرم یادیو کی شناخت اور پیغامات بھی سامنے آگئے۔
امریکی ایجنسیوں کی رپورٹ کے مطابق بھارتی مشیرقومی سلامتی اجیت دوول کو منصوبےکاعلم تھا۔
گزشتہ سال نومبرمیں امریکی انٹیلی جنس ایجنسیوں نےقتل کی بھارتی سازش بے نقاب کی تھی۔
