راولپنڈی : ٹرک اور کار میں تصادم کے نتیجے میں 2 خواتین سمیت 4 افراد جاں بحق ہوگئے۔
تفصیلات کے مطابق راولپنڈی میں صبح سویرے افسوسناک حادثہ پیش آیا۔
تھانہ روات کے علاقہ چیک بیلی روڈ کوٹلہ موڑ کے قریب ٹرک اور کار میں خوفناک تصادم ہوا ، حادثے میں 2 خواتین سمیت 4 افراد جانبحق ہوگئے۔
پولیس زرائع نے بتایا لاشیں اسپتال منتقل کردی گئیں اور جانبحق افراد کی شناخت جنیداحمد،صباء،مس وقار،محمد جنیدکے نام سے کی گئی۔
ڈرائیور ٹرک چھوڑ کر موقع سے فرار ہو گیا، حادثہ مبینہ تیز رفتاری کے باعث پیش آیا ، جس میں ٹرک اور کار آمنے سامنے سے ٹکرا گئے۔
پولیس نے مزید بتایا کہ ٹرک چک بیلی کی جانب سے آرہا تھا، کار سوار افراد روات سے چک بیلی جا رہے تھے تاہم ٹرک ڈرائیور کی تلاش شروع کر دی گئی ہے۔
