The news is by your side.

ایک ہی گھر سے 9 جنازے اٹھنے پر کہرام، آہوں و سسکیوں میں سپردخاک

راولپنڈی: پنجاب کے شہر راولپنڈی میں ایک ہی گھر سے 9 جنازے اٹھے تو پورا علاقہ سوگ میں ڈوب گیا۔

اے آر وائی نیوز کی رپورٹ کے مطابق راولپنڈی میں گزشتہ روز ذاتی دشمنی پر گھر میں گھس کر نامعلوم ملزمان نے فائرنگ کی تھی جس کے نتیجے میں ایک ہی گھر میں 9 جنازے اٹھے جس کے بعد پورا علاقہ سوگ میں ڈوب گیا۔

ذرائع کے مطابق فائرنگ سے جاں بحق خواتین اور بچوں کی کچھ دیر میں نماز جنازہ کے بعد تدفین جائے گی، مقتولین کو نماز جنازہ کے بعد آہوں و سسکیوں میں سپرد خاک کردیا گیا۔

واضح رہے کہ جاں بحق ہونے والوں میں سلیم اختر، نثار بی بی، ایمان فاطمہ، ازرام بی بی، ابدہ شاہین شامل تھیں جبکہ بچوں میں فرحان اظہر، صبیحہ خاتون، عنزلہ بی بی شامل تھے، فائرنگ سے زخمی ہونے والے بچوں میں نور فاطمہ، عثمان، اور ابراہیم شامل تھے۔

مزید پڑھیں: راولپنڈی، خاندانی دشمنی پر فائرنگ، 9 افراد جاں‌ بحق

پولیس کی جانب سے گزشتہ روز شبے میں دو ملزمان کو گرفتار کیا گیا تھا جبکہ آج راولپنڈی میں سرچ آپریشن کرکے گھر گھر تلاشی لی گئی تھی لیکن کوئی گرفتاری عمل میں نہ آسکی تھی۔

یاد رہے کہ گزشتہ روز افسوسناک واقعہ پیش آیا تھا، راولپنڈی کے علاقے میں گھر میں گھس کر فائرنگ کرکے ایک ہی خاندان کے 9 افراد کو قتل کردیا گیا تھا۔

Comments

یہ بھی پڑھیں