راولپنڈی: خالہ زاد بھائی کو پیسوں لالچ میں قتل کر کے لاش کے ٹکڑے کر کے کڑائی میں جلانے والا گرفتار ملزم پولیس حراست سے فرار ہوگیا۔
تفصیلات کے مطابق 4 جنوری کو راجہ بازار راولپنڈی کے تھانہ پیر ودھائی کے علاقے میں ایک افسوسناک واقعہ پیش آیا تھا جہاں تاجر محسن اشرف کو 45 لاکھ چھیننے کیلئے خالہ زاد مہر علی نے قتل کر کے لاش جلا دی تھی۔
ملزم نے مقتول کو45 لاکھ مالیت کے پرائز بانڈ فروخت کرنے کیلئے اپنے گھر واقع ثمرزار کالونی اڈیالہ روڈ بلایا تھا، ملزم نے نقدی چھیننے کے بعد اسے اپنے گھر میں قتل کر دیا اور قتل کے بعد لاش کو چربی پگھلانے والے کڑاہ میں پھینک کر جلا دیا تھا۔
راولپنڈی : خالہ زاد بھائی کو گھر بلا کر قتل کرنے والا ملزم گرفتار، اعترافِ جرم کرلیا
جس کے بعد پولیس نے معاملہ کا سراغ لگا کر ملزم کو مہر ولی کو گرفتار کر لیا تھا اور ابتدائی تفتیش میں اُس نے اعتراف جرم بھی کر لیا تھا۔
تاہم اب سفاک ملزم مہر علی تھانہ پیر ودھائی کے علاقے میں پولیس مقابلے کے دوران مبینہ طور پر ساتھیوں کی فائرنگ سے ہلاک ہو گیا۔
پولیس ذرائع کے مطابق ملزم جسمانی ریمانڈ پر تھا تاہم پولیس حراست سے فرار ہونے کے دوارن مبینہ مقابلے میں مارا گیا، ملزم کی لاش ہولی فیملی اسپتال منتقل کر دی گئی او۳ر پولیس نے مزید تحقیقات شروع کر دی۔
