راولپنڈی: وفاقی تحقیقاتی ادارے ایف ائی اے سائبر کرائم سرکل راولپنڈی نے لڑکی کی قابل اعتراض ویڈیوز و تصاویر بناکر سوشل میڈیا پر شیئر کرکے بلیک میل کرنے میں ملوث ملزم کو گرفتار کرلیا۔
تفصیلات کے مطابق حکام نے بتایا کہ ایف آئی اے سائبر کرائم سرکل راولپنڈی نے کارروائی کرتے ہوئے خاتون کو ہراساں کرنے میں ملوث ملزم آصف نثار کو گرفتار کرلیا۔
ایف آئی اے حکام کے مطابق ملزم نے متاثرہ لڑکی کی قابل اعتراض تصاویر، ویڈیوز سوشل میڈیا پر وائرل کی تھیں، ملزم نے متعدد فیس بک اکاؤنٹس بنا رکھے تھے۔
ایف آئی اے حکام نے مزید بتایا کہ ملزم ساتھیوں کی ملی بھگت سے متاثرہ لڑکی کو خودکشی کرنے پر بھی مجبور کرتا رہا، ملزم کے قبضے سے موبائل فون اور قابل اعتراض مواد برآمد کرلیا گیا۔
