راولپنڈی ڈھوک کالا خان میں ڈکیتی کے دوران بزرگ شہری جاں بحق ہوگیا۔
تفصیلات کے مطابق راولپنڈی میں بائیک رائیڈر گھر میں داخل ہو کر لاکھوں کی نقدی و زیورات لے اُڑا جبکہ ڈکیتی کے دوران دل کا دورہ پڑنے سے بزرگ شہری موقع پر جاں بحق ہوگیا۔
پولیس کے مطابق بزرگ شہری بائیک رائیڈر کے ساتھ گھر پہنچا تھا، بائیک رائیڈر نے پینے کے لیے پانی مانگا،گرمی اور پیاس کا بہانہ بناکر ملزم نے گھر میں داخل ہوتے ہی اسلحہ تان لیا۔
پولیس کا کہنا ہے کہ تھانہ صادق آباد پولیس نے واقعے کی تفتیش شروع کر دی ہے، حکام کا کہنا ہے کہ جلد ہی ڈکیٹ کو گرفتار کیا جائے گا۔
دوسری جانب شہر قائد کے علاقے اعظم بستی، محمود آباد میں ایک میڈیکل اسٹور پر دل دہلا دینے والی ڈکیتی کی واردات ہوئی ہے۔
ڈکیتی کی یہ واردات گزشتہ روز دن کے وقت کراچی کے علاقے محمود آباد اعظم بستی میں کی گئی، جس میں 4 ڈاکوؤں نے میڈیکل اسٹور میں لوٹ مار کی، مسلح ڈاکوؤں کی لوٹ مار اور فائرنگ کی۔
