راولپنڈی : سفاک باپ نے 2 کمسن بیٹیوں کو قتل کر ڈالا اور بیوی کو بھی شدید زخمی کر دیا، پولیس نے قاتل باپ کو گرفتار کرلیا ہے۔
تفصیلات کے مطابق راولپنڈی میں تھانے ارا بازار کے علاقے راجہ مارکیٹ نورانی مسجد والی گلی میں قتل کی لرزہ خیز واردات سامنے آئی ، جہاں سفاک باپ نے دو بچیاں قتل کرکے بیوی کو بھی شدید زخمی کردیا۔
پولیس ذرائع نے بتایا کہ پولیس جائے وقوعہ پر پہنچ گئی قاتل کو گرفتار کر لیا اور گرفتار سفاک ملزم عثمان سے پولیس نے تحقیقات شروع کر دی ہیں۔
شدید زخمی خاتون کی عائشہ بی بی کے نام سے شناخت ہوئی جبکہ مقتول بچیوں کی شناخت انوش عثمان اور لاریب عثمان کے نام سے ہوئی، لاشیں پوسٹ مارٹم کے لیے ابتدائی تحقیقات کے بعد ہسپتال منتقل کی جائیں گی۔
گذشتہ روز پنجاب کے ضلع ساہیوال میں بیٹی پیدا ہونے پر باپ اور دادی نے ملکر نومولود بیٹی کو مار دیا تھا، پولیس نے بتایا تھا کہ اوکاڑہ کی رہائشی خاتون کی ڈیڑھ سال قبل شادی ہوئی تھی، 8 جولائی کو بیٹی پیدا ہوئی، باپ اور دادی خوش نہیں تھے، بچی کی پیدائش کے بعد والدہ سے بچی کو چھینا اور مبینہ طور پر قتل کردیا۔
