راولپنڈی: باپ کے ڈانٹے پر چار بہنوں اور ایک بھائی نے زہریلی گولیاں کھا کر خودکشی کرنے کی کوشش کی، پانچوں کو اسپتال منتقل کردیا گیا۔
اے آر وائی نیوز راولپنڈی کے نمائندے بابرملک کے مطابق والد کی ڈانٹ سے دلبرداشتہ ہو کر چار بہنوں اور ایک بھائی نے مل کر خودکشی کی کوشش کی اور زہریلی گولیاں کھالیں جنہیں فوری طور پر بے نظیر بھٹو اسپتال منتقل کردیا گیا ہے۔
رپورٹر کے مطابق یہ واقعہ راولپنڈی کے علاقے باغ سرداراں میں پیش آیا، اہل خانہ نے پولیس کو بیان قلم بند کرایا ہے کہ واقعہ ڈانٹ ڈپٹ کا نتیجہ ہے،بچوں کی عمریں 15 سے 20 سال کے درمیان ہیں۔
اطلاعات ہیں کہ پانچوں کے خلاف اقدام خودکشی کا مقدمہ بھی درج کیا جائےگا۔