راولپنڈی: راولپنڈی میں ملزمان بے لگام ہوگئے، دن دیہاڑے تیرہ سالہ لڑکی کو اغوا کرکے لئے گئے۔
تفصیلات کے مطابق واقعہ تھانہ کھنہ کی حدود میں پیش آیا، مبینہ طور پر اغوا ہونے والی لڑکی کی والدہ شہناز اختر نے تھانے میں درخواست دی ہے، درخواست میں موقف اپنایا کہ لڑکی بھائی کے ہمراہ نانی کے گھر سےواپس پیدل آرہی تھی۔
اسی دوران نامعلوم ملزمان نے میری بیٹی کو اس کے دس سالہ بھائی کے سامنے اغوا کیااور اپنے ساتھ لے گئے، اعلیٰ حکام اور پولیس سے گزارش ہے کہ میری بیٹی کو فوری بازیاب کرایا جائے اور واقعے میں ملوث ملزمان کو گرفتار کیا جائے۔
گذشتہ روز راولپنڈی کے تھانہ چونترہ کی حدود میں ماں اور 14 ماہ کے بچے پر تیز دھار آلے قتل کردیا گیا تھا۔
یہ بھی پڑھیں: راولپنڈی میں تشدد کا واقعہ: کمسن بیٹے کے بعد ماں بھی چل بسی
اے آر وائی نیوز کے مطابق پولیس کا کہنا ہے کہ گزشتہ روز واجد نامی ملزم نے خاتون اور بچے پر تیز دھار آلے سے حملہ کیا تھا تشدد کے بچہ موقع پر ہی جاں بحق ہوا تھا جبکہ ماں کو طبی امداد کے لے اسپتال منتقل کیا گیا تھا جو کل زخموں کی تاب نہ لاتے ہوئے دم توڑ گئی۔
یاد رہے کہ عید کی رات وفاقی دارالحکومت اسلام آباد کے علاقے سیکٹر ایف سیون سے ایک سربریدہ لاش ملی تھی، جسے سابق سفیر شوکت مقدم کی 27 سالہ بیٹی نور مقدم کے نام سے شناخت کیا گیا۔
نور مقدم کے بہیمانہ قتل پر پاکستان میں سول سوسائٹی سمیت متعدد مکتبہ فکر کے افراد سراپا احتجاج ہیں اور گرفتار ملزم کو کڑی سے کڑی سزا دینے کا مطالبہ کررہے ہیں۔
سوشل میڈیا پر بھی نور مقدم کے قتل کی گونج سنائی دی جارہی ہے اور ٹوئٹر پر “جسٹ فار نور ” کا ٹرینڈ جاری ہے۔
